Butterfly
عضو بعده بالكماط
عدد الرسائل : 109
العمر : 29
العمل/الترفيه : طالبة /الرسم
المزاج : Fine
مزاجي : 
المهنة : 
رقم العضوية : 12
sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com -->
: 
تاريخ التسجيل : 05/04/2008
 |  موضوع: السلام عليك يابوية العراق  الخميس أبريل 10, 2008 3:38 pm | |
|
السلام عليك يا بوية العراق
ويا أبو الاوطان
يا دلة ومضيف ويا صدر ديوان
يل ما شح أبد مضيافك
من أول وگت ولآخر زمان
....
عندي چم چلمة عتب يابوية تحز بالروح
وشكم سوالف حزن ظلـّن يـِدّكن جروح
مو ألك العتاب لا والله انت من العتب مسموح
بس ما عندي غيرك أبو أشكيلة الاحزان
وماعندي غيرك أحد. يسمعني وكلة آذان
ومحد غيرك من ابچي بصدرة يضمني وياخذني بالاحضان
..
أول عتاب.
يابوية كل واحد من البشر يربة بحـضن الوالدان
وآنة فتحت عيني من الزغر أسأل أبوي وين چان
أمي تجاوبني وترد أبوك بحرب الشمال بكردستان
وشوية فـهَمـِت وهم سألت وردتلي الجواب بحرب ايران
ولمن صرت وگلت كـبَرت وياك رجلية مشت حتى نحارب الامريكان
وگلت انتهت بلچي يرد لية ابوي وتـتشابگ الاحظان
ومارديت...وآنة النوب رديت ولأمي سألت
شجاه ابوي ونِسة ؟مايدري شگـثر عليه لهفان ؟
ما يدري بروحي عليلة ومحتاجة يـبـّرد النيران؟دنگت أمي وجاوبت وبعينها دموع أوگفت
وبعالي صوتها صيـّحت
ولكم يمة ابوكم وگـــــــــــــــــــــع .وداروا عليه غـُربان
ألتموا عليه من كل كـِتر . وطعنوه بغـّل وغدر.. وصاروا عليه فرسان
يـايـمة ذاك الجبل ألتمت عليه نسوان
فـَلشوا كل بيت انبنة وعافوه بس تربان
ولكم چلاب الدرب عظته بكل مچان
ولية مخانيث اصبحت وبيها الأسد خسران
ولكم ابوكم صفة علـچ بحلوگ هالعربان
كلمن يفـوّخ حوبته ويصك عليه الاسنان
شحچيلك بعد يمة ؟ هم النوب تسألني وين ابوي أبو النهران؟
هم النوب تسألني ؟وينة أبوي الي بمشـيِتـة چنة شطب ريحان؟بسچ يمة الخاطر الله مالي گلب يحمل كل هاي الاحزان
بس آنة أبوي أنطلب ويركض وراه ديـّان؟
بس آنة أبوي المايعرف ينام وگـضّـة العمر نعسان؟
بس أبوي الشايل هموم الزمن؟ .وأول من غدر بيه الزمان
بس أبوي البعدة ما وكع يزاود عليه الدفـّان
من عمت عينچ يدنية الضيعتي أبوية أبو الاوطان
عمت عينچ يدنية الضيعتي أبوية أبو الاحسان
وثاني عتاب
عتابي على هاي الدنية الرديةالعافت ابنك ذاك العراقي ابو النفس الأبية
ومشت وي رديان
محروم عايش بالقهر وبس بالاسم انسان
وهمومة ما يحملهن جبل وبحور من أحزان
هنا .وهنا .وهناك متغرب ومالة ابد عنوان
يركض على كسرة خبز .
ولو لـگاها. چنها أجت بحسان
ابنك يبوية سيد الناس.. مالة أبيتك مچان
لا گاع التلمة لا أرض لا اوطان
مجذوم چنة تهازمت من عنده الگربان
يابوية أبنك صفة چن ذيب وي رعيان
كلهة تطارد عليه والي يصيبة هو ربحان
يا بوية العراقي صفةلا عايش بدنيتة ولا ميت وخلصان
وبين هاي وذيج يابوية صفة حيران
ومن عمت عينچ يدنية العفتي احسن انسان
وعمت عينچ يدنية فوگ هالعَـميان
| |
|
